تأكد وقت ما ترجع بتلقى حضني الدافي

سنين وياخذك الزمن عني
اببقى يا بعد عمري على ذاك العهد وافي

ترى من جد حبيتكـ وزود الحب جنني
كتمت الحب في صدري ولابد يظهر الخافي

رسمت اشواقي لكـ ورده ابيها توصلكـ مني
وابي منك تعطرها وتسقيها عسل صافي

يموت بداخلي انسان ويحيى انسان ويغني
اقول اموت في حبك وياليته بعد كافي

الا يا لهفتي تكفى ابي احياك انا لاني
اعرف إن لهفتي عله عجزت القى لها شافي

ابكتب لك قصيده حب واصيغ الحان واغني
اببحر في بحور الشوق وهو يكسر لي مجدافي

أضم بداخلي عبرات وآهاتي تعذبني
انقي من همومي هم واشيله فوق اكتافي

وبالآخر ابطلب منك لامن بعدت اذكرني
مثل طفل فقد امه وهو في حضنها غافي

تصدق لو تغيب سنين وياخذك الزمن عني
تأكد وقت ما ترجع بتلقى حضني الدافي