وحشتني شوفه اصحابي

وحشتني شوفه اصحابي وربعي والغلا مستور
اخبي عبرتي لا من ذكرت يوم جمعتنا
تغير قولتي ابله وصرنا نقول يادكتور
نقول محاضره يادنيا زمان نقول حصتنا
جلست داخل القاعه ذكرت ايامان بالدور
وضحكن كان يحوينا ولا تكفي شطانتنا
نزعل بعضنا احيان ولكن مانعرف الجور
ونرجع من بعد زعله ترجعنا صداقتنا
نحاتي بعضنا دايم ويعجبنا رجل مشهور
سوالفناعن الموضه عن الحب وعلاقتنا
وهذا اليوم وقد صارت سنين راحت ومعها شهور
افكر كيف هالدنيا خذت منا وناستنا
انا مابين ناس اغراب وسط قاعه مع دكتور
احاول اخنق العبره وانا اذكر حكايتنا
ظلامن دامس كوحش انادي فالخفا يانور
ابي ربعن ليا من طحت عرفت وشلون قيمتنا
تخرجنا نعم ادري وكلن داخله مقهور
فرح لكن مع الفرح دموع تضم حفلتنا
تعرفنا على ناس جديده والغلا مستور
ولاحد يوصل لحبن جمع شلتنا